ai mauj-e-hawadis tujhe malum nahin kya
hum ahl-e-mohabbat hain fana ho nahin sakte

Asad Bhopali

---

---

aise iqrar mein inkar ke sau pahlu hain
wo to kahiye ki labon pe na tabassum aae

Asad Bhopali

---

---

ajab andaz ke sham-o-sahar hain
koi taswir ho jaise adhuri

Asad Bhopali

---

---

ar-ha ye bhi hua anjuman-e-naz se hum
surat-e-mauj uThe misl-e-talatum aae

Asad Bhopali

---

---

dekhiye ahd-e-wafa achchha nahin
marna jina sath ka ho jaega

Asad Bhopali

---

---

farq itna hai ki tu parde mein aur main be-hijab
warna main aks-e-mukammal hun teri taswir ka

Asad Bhopali

---

---

ghuncha o gul mah o anjum sab ke sab bekar the
aap kya aae ki phir mausam suhana aa gaya

Asad Bhopali

---

---

haalat ne kisi se juda kar diya mujhe
ab zindagi se zindagi mahrum ho gai

Asad Bhopali

---

---

ishq ko jab husn se nazren milana aa gaya
KHud-ba-KHud ghabra ke qadmon mein zamana aa gaya

Asad Bhopali

---

---