aaega wo din hamari zindagi mein bhi zarur
jo andheron ko miTa kar raushni de jaega

Anwar Taban

---

---

aaj maghmum kyun ho ai 'taban'
kuchh to bolo ki majra kya hai

Anwar Taban

---

---

dil hai pareshan un ki KHatir
pal bhar ko aaram nahin hai

Anwar Taban

---

---

hanste hanste nikal paDe aansu
rote rote kabhi hansi aai

Anwar Taban

---

---

har ek shaKHs mera shahr mein shanasa tha
magar jo ghaur se dekha to main akela tha

Anwar Taban

---

---

harim-e-naz ke parde mein jo nihan tha kabhi
usi ne shoKH adaen dikha ke luT liya

Anwar Taban

---

---

is KHauf mein ki khud na bhaTak jaen rah mein
bhaTke huon ko rah dikhata nahin koi

Anwar Taban

---

---

ji to ye chahta hai mar jaen
zindagi ab teri raza kya hai

Anwar Taban

---

---

KHushi ki baat aur hai ghamon ki baat aur
tumhaari baat aur hai hamari baat au

Anwar Taban

---

---