dekha hai kisi aahu-e-KHush-chashm ko us ne
aankhon mein bahut us ki chamak aai hui hai

Anees Ashfaq

---

---

is pe hairan hain KHaridar ki qimat hai bahut
mere gauhar ki tab-o-tab nahin dekhte hain

Anees Ashfaq

---

---

kyun nahin hote munajaton ke mani munkashif
ramz ban jata hai kyun harf-e-dua hum se suno

Anees Ashfaq

---

---

na mere hath se chhuTna hai mere neze ko
na tere tir ko teri kaman mein rahna hai

Anees Ashfaq

---

---

us ki muTThi mein jawahir the nazar meri taraf
aur mujhe pairaya-e-arz-e-hunar aata na tha

Anees Ashfaq

---

---

ye KHana hamesha se viran hai
kahan koi dil ke makan mein raha

Anees Ashfaq

---

---