aata hun main zamane ki aankhon mein raat din
lekin KHud apni nazron se ab tak nihan hun main

Ameeq Hanafi

---

---

chhute hi aashaen bikhrin jaise sapne TuT gae
kis ne aTkae the ye kaghaz ke phul babul mein

Ameeq Hanafi

---

---

cigarette jise sulagta hua koi chhoD de
us ka dhuan hun aur pareshan dhuan hun main

Ameeq Hanafi

---

---

dil mein dukh aankhon mein nami aasman par ghaTaen
andar bahar is or us or har or baadal

Ameeq Hanafi

---

---

donon ka milna mushkil hai donon hain majbur bahut
us ke panw mein mehndi lagi hai mere panw mein chhaale hain

Ameeq Hanafi

---

---

ek usi ko dekh na pae warna shahr ki saDkon par
achchhi achchhi poshaken hain achchhi surat wale hain

Ameeq Hanafi

---

---

KHwahishon ki bijliyon ki jalti bujhti raushni
khinchti hai manzaron mein naqsha-e-asab sa

Ameeq Hanafi

---

---

phul khile hain likha hua hai toDo mat
aur machal kar ji kahta hai chhoDo mat

Ameeq Hanafi

---

---

un aankhon mein Dal kar jab aankhen us raat
main Duba to mil gae Dube hue jahaz

Ameeq Hanafi

---

---