ab dard bhi ek had se guzarne nahin pata
ab hijr mein wo pahli si wahshat nahin hoti

Akram Mahmud

---

---

ab dil bhi dukhao to aziyyat nahin hoti
hairat hai kisi baat pe hairat nahin hoti

Akram Mahmud

---

---

ajab taqaza hai mujh se juda na hone ka
ki jaise kaun-o-makan mere iKHtiyar mein hai

Akram Mahmud

---

---

as itna yaad hai ek bhul si hui thi kahin
ab is se baDh ke dukhon ka hisab kya rakhna

Akram Mahmud

---

---

chaDhe hue hain jo dariya utar bhi jaenge
mere baghair tere din guzar bhi jaenge

Akram Mahmud

---

---

dekh ye dil jo kabhi had se guzar jata tha
dekh dariya mein koi shor na tughyani hai

Akram Mahmud

---

---

dil KHush jo nahin rahta to is ka bhi sabab hai
maujud koi wajh-e-masarrat nahin hoti

Akram Mahmud

---

---

do chaar baras jitne bhi hain jabr hi sah len
is umr mein ab hum se baghawat nahin hoti

Akram Mahmud

---

---

gum to hona tha ba-har-haal kisi manzar mein
dil hua KHwab mein gum aankh hui aab mein gum

Akram Mahmud

---

---