hamesha ek si haalat pe kuchh nahin rahta
jo aae hain to kaDe din guzar bhi jaenge

Akram Mahmud

---

---

makan ki koi KHabar la-makan ko kaise ho
safir-e-ruh abhi jism ke hisar mein hai

Akram Mahmud

---

---

mujh pe aasan hai kahe lafz ka ifa karna
us ko mushkil hai to wo apni suhulat dekhe

Akram Mahmud

---

---

panw uThte hain kisi mauj ki jaanib lekin
rok leta hai kinara ki Thahar pani hai

Akram Mahmud

---

---

sitara aankh mein dil mein gulab kya rakhna
ki Dhalti umr mein rang-e-shabab kya rakhna

Akram Mahmud

---

---

waqt kahan ruka bhala par ye kise guman tha
umr ki zad mein aaega tujh sa pari-jamal bhi

Akram Mahmud

---

---