aa ki main dekh lun khoya hua chehra apna
mujh se chhup kar meri taswir banane wale

Akhtar Saeed Khan

---

---

ahen na aankh se aansu to naghmagi be-sud
khilen na phul to rangini-e-fughan kya hai

Akhtar Saeed Khan

---

---

ahut qarib rahi hai ye zindagi hum se
bahut aziz sahi e'tibar kuchh bhi nahin

Akhtar Saeed Khan

---

---

and kar de koi mazi ka daricha mujh par
ab is aaine mein surat nahin dekhi jati

Akhtar Saeed Khan

---

---

and rakkhoge dariche dil ke yaro kab talak
koi dastak de raha hai uTh ke dekho to sahi

Akhtar Saeed Khan

---

---

charagh le ke use DhunDne chala hun main
jo aaftab ki manind ek ujala hai

Akhtar Saeed Khan

---

---

dushman-e-jaan hi sahi sath to ek umr ka hai
dil se ab dard ki ruKHsat nahin dekhi jati

Akhtar Saeed Khan

---

---

hum ne mana ek na ek din lauT ke tu aa jaega
lekin tujh bin umr jo guzri kaun use lauTaega

Akhtar Saeed Khan

---

---

har mauj gale lag ke ye kahti hai Thahar jao
dariya ka ishaara hai ki hum par utar jaen

Akhtar Saeed Khan

---

---