tu kahani hi ke parde mein bhali lagti hai
zindagi teri haqiqat nahin dekhi jati

Akhtar Saeed Khan

---

---

kisi ke tum ho kisi ka KHuda hai duniya mein
mere nasib mein tum bhi nahin KHuda bhi nahin

Akhtar Saeed Khan

---

---

main safar mein hun magar samt-e-safar koi nahin
kya main KHud apna hi naqsh-e-kaf-e-pa hun kya hun

Akhtar Saeed Khan

---

---

mera fasana har ek dil ka majra to na tha
suna bhi hoga kisi ne to kya suna hoga

Akhtar Saeed Khan

---

---

mujhe ab dekhti hai zindagi yun be-niyazana
ki jaise puchhti ho kaun ho tum justuju kya hai

Akhtar Saeed Khan

---

---

na-umidi harf-e-tohmat hi sahi kya kijiye
tum qarib aate nahin ho aur KHuda milta nahin

Akhtar Saeed Khan

---

---

nigahen muntazir hain kis ki dil ko justuju kya hai
mujhe KHud bhi nahin malum meri aarzu kya hai

Akhtar Saeed Khan

---

---

zindagi chhin le baKHshi hui daulat apni
tu ne KHwabon ke siwa mujh ko diya bhi kya hai

Akhtar Saeed Khan

---

---

zamana ishq ke maron ko mat kya dega
dilon ke khel mein ye jit haar kuchh bhi nahin

Akhtar Saeed Khan

---

---