sabr-o-qarar-e-dil mere jaane kahan chale gae
bichhDe hue na phir mile aise hue juda ki bas

Akhtar Muslimi

---

---

lazzat-e-dard mili jurm-e-mohabbat mein use
wo saza pai hai dal ne ki KHata jhum uThi

Akhtar Muslimi

---

---

mere kirdar mein muzmar hai tumhaara kirdar
dekh kar kyun meri taswir KHafa ho tum log

Akhtar Muslimi

---

---

mere dil pe hath rakh kar mujhe dene wale taskin
kahin dil ki dhaDkanon se tujhe choT aa na jae

Akhtar Muslimi

---

---

mujh ko manzur nahin ishq ko ruswa karna
hai jigar chaak magar lab pe hansi hai ai dost

Akhtar Muslimi

---

---

ah-e-wafa mein luTa kar mata-e-qalb-o-jigar
kiya hai teri mohabbat ka haq ada main ne

Akhtar Muslimi

---

---

tumhaari bazm ki yun aabru baDha ke chale
piye baghair hi hum panw laDkhaDa ke chale

Akhtar Muslimi

---

---

wafa karo jafa mile bhala karo bura mile
hai rit desh desh ki chalan chalan ki baat hai

Akhtar Muslimi

---

---

us ko bhaDkao na daman ki hawaen de kar
shoala-e-ishq mere dil mein daba rahne do

Akhtar Muslimi

---

---