ab tujhe mera nam yaad nahin
jab ki tera pata raha hun main

Akbar Masoom

---

---

aisa ek maqam ho jis mein dil jaisi virani ho
yaadon jaisi tez hawa ho dard se gahra pani ho

Akbar Masoom

---

---

hai musibat mein giraftar musibat meri
jo bhi mushkil hai wo mere liye aasani hai

Akbar Masoom

---

---

jis ke baghair ji nahin sakte the ja chuka
par dil se dard aankh se aansu kahan gaya

Akbar Masoom

---

---

main kisi aur hi aalam ka makin hun pyare
mere jangal ki tarah ghar bhi hai sunsan mera

Akbar Masoom

---

---

ah jaegi ye sari kahani yahin dhari
ek roz jab main apne fasane mein jaunga

Akbar Masoom

---

---

tere ghurur ki ismat-dari pe nadim hun
tere lahu se bhi daman hai daghdar mera

Akbar Masoom

---

---

ujala hai jo ye kaun-o-makan mein
hamari KHak se laya gaya hai

Akbar Masoom

---

---

wo aur honge jo kar-e-hawas pe zinda hain
main us ki dhup se saya badal ke aaya hun

Akbar Masoom

---

---