abhi zamin ko haft aasman banana hai
isi jahan ko mujhe do-jahan banana hai

Akbar Hameedi

---

---

aise haalat mein ek roz na ji sakte the
hum ko zinda tere paiman-e-wafa ne rakkha

Akbar Hameedi

---

---

fankar ba-zid hai ki lagaega numaish
main hun ki har ek zaKHm chhupane mein laga hun

Akbar Hameedi

---

---

go rahzan ka war bhi kuchh kam na tha magar
jo war kargar hua wo rahnuma ka tha

Akbar Hameedi

---

---

hawa sahla rahi hai us ke tan ko
wo shoala ab sharare de raha hai

Akbar Hameedi

---

---

hu-ba-hu aap hi ki murat hai
zindagi kitni KHub-surat hai

Akbar Hameedi

---

---

jal kar gira hun sukhe shajar se uDa nahin
main ne wahi kiya jo taqaza wafa ka tha

Akbar Hameedi

---

---

kai harfon se mil kar ban raha hun
bajae lafz ke alfaz hun main

Akbar Hameedi

---

---

kabhi jo waqt zamane ko deta hai gardish
mere makan se bhi kuchh la-makan guzarte hain

Akbar Hameedi

---

---