ek dhundla sa tasawwur hai ki dil bhi tha yahan
ab to sine mein faqat ek Tis si pata hun main

Agha Hashr Kashmiri

---

---

go haram ke raste se wo pahunch gae KHuda tak
teri rahguzar se jate to kuchh aur baat hoti

Agha Hashr Kashmiri

---

---

go hawa-e-gulsitan ne mere dil ki laj rakh li
wo naqab KHud uThate to kuchh aur baat hoti

Agha Hashr Kashmiri

---

---

goya tumhaari yaad hi mera ilaj hai
hota hai pahron zikr tumhaara tabib se

Agha Hashr Kashmiri

---

---

hashr mein insaf hoga bas yahi sunte raho
kuchh yahan hota raha hai kuchh wahan ho jaega

Agha Hashr Kashmiri

---

---

nikhat-e-saghar-e-gul ban ke uDa jata hun
liye jata hai kahan baada-e-sar-josh mujhe

Agha Hashr Kashmiri

---

---

sab kuchh KHuda se mang liya tujh ko mang kar
uThte nahin hain hath mere is dua ke baad

Agha Hashr Kashmiri

---

---

yaad mein teri jahan ko bhulta jata hun main
bhulne wale kabhi tujh ko bhi yaad aata hun main

Agha Hashr Kashmiri

---

---

ye khule khule se gesu inhen lakh tu sanware
mere hath se sanwarte to kuchh aur baat hoti

Agha Hashr Kashmiri

---

---