abhi dilon ki tanabon mein saKHtiyan hain bahut
abhi hamari dua mein asar nahin aaya

Aftab Hussain

---

---

abhi hai husn mein husn-e-nazar ki kar-farmai
abhi se kya bataen hum ki wo kaisa nikalta hai

Aftab Hussain

---

---

apne hi dam se charaghan hai wagarna 'aftab'
ek sitara bhi meri viran shamon mein nahin

Aftab Hussain

---

---

asas-e-jism uThaun nae sire se magar
ye sochta hun ki miTTi meri KHarab to ho

Aftab Hussain

---

---

azab-e-barq-o-baran tha andheri raat thi
rawan thin kashtiyan kis shan se is jhil mein

Aftab Hussain

---

---

adal rahe hain zamane ke rang kya kya dekh
nazar uTha ki ye duniya hai dekhne ke liye

Aftab Hussain

---

---

chalo kahin pe talluq ki koi shakl to ho
kisi ke dil mein kisi ki kami ghanimat hai

Aftab Hussain

---

---

dil-e-muztar wafa ke bab mein ye jald-bazi kya
zara ruk jaen aur dekhen natija kya nikalta hai

Aftab Hussain

---

---

dilon ke bab mein kya daKHl 'aftab-husain'
so baat phail gai muKHtasar banate hue

Aftab Hussain

---

---