dil-e-muztar wafa ke bab mein ye jald-bazi kya
zara ruk jaen aur dekhen natija kya nikalta hai

Aftab Hussain

---

---

dilon ke bab mein kya daKHl 'aftab-husain'
so baat phail gai muKHtasar banate hue

Aftab Hussain

---

---

duniya se alaihadgi ka rasta
duniya se nibah kar ke dekha

Aftab Hussain

---

---

abhi dilon ki tanabon mein saKHtiyan hain bahut
abhi hamari dua mein asar nahin aaya

Aftab Hussain

---

---

firaq mausam ki chilmanon se visal lamhe chamak uThenge
udas shamon mein kaghaz-e-dil pe guzre waqton ke bab likhna

Aftab Hussain

---

---

gae manzaron se ye kya uDa hai nigah mein
koi aks hai ki ghubar sa hai nigah mein

Aftab Hussain

---

---

gae zamanon ki dard kajlai bhuli bisri kitab paDh kar
jo ho sake tum se aane wale dinon ke rangin KHwab likhna

Aftab Hussain

---

---

haal hamara puchhne wale
kya batlaen sab achchha hai

Aftab Hussain

---

---

har ek gam ulajhta hun apne aap se main
wo tir hun jo KHud apni kaman ki zad mein hai

Aftab Hussain

---

---