hamara koh-e-gham kya sang-e-KHara hai jo kaT jata
agar mar mar ke zinda kohkan hota to kya hota
Afsar Allahabadi
Tags:
| 2 Lines Shayari |
KHabar deti hai yaad karta hai koi
jo bandha hai hichki ne tar aate aate
Afsar Allahabadi
mujhe gum-shuda dil ka gham hai to ye hai
ki is mein bhari thi mohabbat kisi ki
Afsar Allahabadi
na ho ya rab aisi tabiat kisi ki
ki hans hans ke dekhe musibat kisi ki
Afsar Allahabadi
Tags:
| 2 Lines Shayari |
tumhaare hijr mein kyun zindagi na mushkil ho
tumhin jigar ho tumhin jaan ho tumhin dil ho
Afsar Allahabadi