ang aa jata tha un ki did se ruKH par mere
dekh kar ab wo bhi mujh ko surKH-ru hone lage

Aazim Kohli

---

---

main ji bhar ke roya to aaram aaya
mera gham hi aaKHir mere kaam aaya

Aazim Kohli

---

---

mere har zaKHm par ek dastan thi us ke zulmon ki
mere KHun-bar dil par us ke hathon ka nishan bhi tha

Aazim Kohli

---

---

mohabbat karne wale dard mein tanha nahin hote
jo ruThoge kabhi mujh se to apna dil dukhaoge

Aazim Kohli

---

---

mujhe ayyariyan sab aa gai hain
main ab tere nagar ka ho gaya hun

Aazim Kohli

---

---

nila ambar chand sitare bachchon ki jagiren hain
apni duniya mein to bas diwaren hi zanjiren hain

Aazim Kohli

---

---

wo jate jate mujhe apne gham bhi saunp gaya
ajib Dhang nikala hai gham-gusari ka

Aazim Kohli

---

---

zindagi sundar ghazal hai dosto
zindagi ko gungunana chahiye

Aazim Kohli

---

---

ye kya hua ki ab tujhi se bad-guman main ho gaya
main sochta tha zindagi tu mujh ko ras aa gai

Aazim Kohli

---

---