رنگ آ جاتا تھا ان کی دید سے رخ پر مرے
دیکھ کر اب وہ بھی مجھ کو سرخ رو ہونے لگے

عازم کوہلی

---

---

میں جی بھر کے رویا تو آرام آیا
مرا غم ہی آخر مرے کام آیا

عازم کوہلی

---

---

مرے ہر زخم پر اک داستاں تھی اس کے ظلموں کی
مرے خوں بار دل پر اس کے ہاتھوں کا نشاں بھی تھا

عازم کوہلی

---

---

محبت کرنے والے درد میں تنہا نہیں ہوتے
جو روٹھو گے کبھی مجھ سے تو اپنا دل دکھاؤ گے

عازم کوہلی

---

---

مجھے عیاریاں سب آ گئی ہیں
میں اب تیرے نگر کا ہو گیا ہوں

عازم کوہلی

---

---

نیلا امبر چاند ستارے بچوں کی جاگیریں ہیں
اپنی دنیا میں تو بس دیواریں ہی زنجیریں ہیں

عازم کوہلی

---

---

وہ جاتے جاتے مجھے اپنے غم بھی سونپ گیا
عجیب ڈھنگ نکالا ہے غم گساری کا

عازم کوہلی

---

---

زندگی سندر غزل ہے دوستو
زندگی کو گنگنانا چاہئے

عازم کوہلی

---

---

یہ کیا ہوا کہ اب تجھی سے بد گماں میں ہو گیا
میں سوچتا تھا زندگی تو مجھ کو راس آ گئی

عازم کوہلی

---

---