raat ka ye samundar tumhaare liye
tum samundar ki KHatir bane ho
dilon mein kabhi KHushkiyon ki sahar ka tasawwur na aae
isi waste tum ko be-baadban kashtiyan di gai hain
safar raat ke us samundar ki gahraiyon ka safar-e-be-karan hai
akele ho tum aur akele rahoge
magar aasman ki jagah aasman aur zamin ki jagah ye zamin
tum se qaem hai
daim hai ye raat
aur raat ke tum amin ho
agar aankh mein nur ka koi manzar hai
us ki hifazat karo
Nazm
Nafi se isbaat tak
Shahryar