bahut gaD-maD the
roz-o-shab ke wo sab tane-bane aur
na main mashshaq tha aisa
ki chadar koi bun leta
magar mahsur tha
aur jaanta tha ye mashaqqat
kaTna qismat mein aaya hai
so jaise ban paDa ye kaam bhi pura kiya main ne
pa ab jab dekhta hun
apne roz-o-shab ka hasil
yani wo chadar
to kahta hun
ki ai logo!
use ham-rah mere dafn kar dena
koi puchhe to kah dena
are chhoDo chalo ek chae pite hain
Nazm
Mahsur tha
Shahram Sarmadi