main us ki aankhon ko dekhta rahta hun
magar meri samajh mein kuchh nahin aata
main us ki baaton ko sunta rahta hun
magar meri samajh mein kuchh nahin aata
ab agar wo kabhi mujh se mile
to main us se baat nahin karunga
us ki taraf dekhunga bhi nahin
main koshish karunga
mera dil kahin aur mubtala ho jae
ab main use yaad bana dena chahta hun
Nazm
Ab main use yaad bana dena chahta hun
Muneer Niyazi