yun lag raha hai jaise koi aas-pas hai
wo kaun hai jo hai bhi nahin aur udas hai
mumkin hai likhne wale ko bhi ye KHabar na ho
qisse mein jo nahin hai wahi baat KHas hai
mane na mane koi haqiqat to hai yahi
charKHa hai jis ke pas usi ki kapas hai
itna bhi ban-sanwar ke na nikla kare koi
lagta hai har libas mein wo be-libas hai
chhoTa baDa hai pani KHud apne hisab se
utni hi har nadi hai yahan jitni pyas hai
Ghazal
Yun lag raha hai jaise koi aas-pas hai
Nida Fazli