ye sar-buland hote hi shane se kaT gaya
main mohtaram hua to zamane se kaT gaya
man aaj mujh ko chhoD ke ganw chali gai
main aaj apne aaina-KHane se kaT gaya
joDe ki shan baDh gai mahfil mahak uThi
lekin ye phul apne gharane se kaT gaya
ai aansuo tumhaari zarurat hai ab mujhe
kuchh mail to badan ka nahane se kaT gaya
us peD se kisi ko shikayat na thi magar
ye peD sirf bich mein aane se kaT gaya
warna wahi ujaD haweli si zindagi
tum aa gae to waqt Thikane se kaT gaya
Ghazal
Ye sar-buland hote hi shane se kaT gaya
Munawwar Rana