ya-rab gham-e-hijran mein itna to kiya hota
jo hath jigar par hai wo dast-e-dua hota
ek ishq ka gham aafat aur us pe ye dil aafat
ya gham na diya hota ya dil na diya hota
nakaam-e-tamanna dil is soch mein rahta hai
yun hota to kya hota yun hota to kya hota
ummid to bandh jati taskin to ho jati
wada na wafa karte wada to kiya hota
ghairon se kaha tum ne ghairon se suna tum ne
kuchh hum se kaha hota kuchh hum se suna hota
Ghazal
Ya-rab gham-e-hijran mein itna to kiya hota
Chiragh Hasan Hasrat