اردو हिंदी
Utren gahrai mein tab KHak se pani aae | Shaahi Shayari
utren gahrai mein tab KHak se pani aae

Ghazal

Utren gahrai mein tab KHak se pani aae

Zakariya Shaz

;

utren gahrai mein tab KHak se pani aae
sab ko ai dost kahan ashk-fishani aae

phandni paD gai kanTon se bhari baD hamein
jitne paigham the phulon ki zabani aae

bas yahi soch ke kirdar nibhate jao
jaane kis moD pe anjam-e-kahani aae

ek muddat main KHamoshi se raha mahw-e-kalam
tab kahin ja ke ye lafzon mein maani aae

kahin dhoka hi na ho shauq nai manzil ka
mere hamrah koi rah purani aae

'shaz' KHud mein hi ganwae hue KHud ko rakhna
hath jab tak na koi apni nishani aae