qayamat ka koi hangam ubhre
ujale Dub jaen sham ubhre
kisi talwar ki qatil zaban par
lahu chahke hamara nam ubhre
gire galiyon ke qadmon par andhera
faza mein raushni-e-baam ubhre
hain sath-e-bahr par maujen pareshan
jo din Dube to koi sham ubhre
hazaron rang-parcham sar-nigun hain
wo hum hi the ki bas gum-nam ubhre
hamari ibtida miTTi mein ek raaz
hamare waste anjam ubhre
Ghazal
Qayamat ka koi hangam ubhre
Zakauddin Shaya.n