pukarne ka qarina main sochta hi raha
hasin kahun ki hasina main sochta hi raha
nami si thi dam-e-ruKHsat kuchh un ke aanchal par
wo ashk the ki pasina main sochta hi raha
tere karam ki koi had nahin hisab nahin
chaba ke nan-e-shabina main sochta hi raha
udhar wo pahli ko aae the ek pal ke liye
udhar tamam mahina main sochta hi raha
Ghazal
Pukarne ka qarina main sochta hi raha
Mirza Mahmood Sarhadi