milne ka nahin rizq-e-muqaddar se siwa aur
kya ghar mein KHuda aur hai ghurbat mein KHuda aur
tum samne aate ho to chhupte ho siwa aur
parde ki haya aur hai aankhon ki haya aur
kuchh aag lagaega nai shola-e-ruKHsar
kuchh rang dikhaega tera rang-e-hina aur
insan wo kya jis ko na ho pas zaban ka
ye koi tariqa hai kaha aur kiya aur
aa pahunche hain manzil ki nawahi mein 'zahir' ab
han pa-e-talab haariyo himmat na zara aur
Ghazal
Milne ka nahin rizq-e-muqaddar se siwa aur
Zaheer Dehlvi