اردو हिंदी
Main fath-e-zat manzar tak na pahuncha | Shaahi Shayari
main fath-e-zat manzar tak na pahuncha

Ghazal

Main fath-e-zat manzar tak na pahuncha

Ahmad Shanas

;

main fath-e-zat manzar tak na pahuncha
mera tesha mere sar tak na pahuncha

use memar likkha bastiyon ne
ki jo pahle hi patthar tak na pahuncha

tijarat dil ki dhaDkan gin rahi hai
talluq lutf-e-manzar tak na pahuncha

shagufta gal tikhe KHat ka mausam
dobara naKHl-e-paikar tak na pahuncha

bahut chhoTa safar tha zindagi ka
main apne ghar ke andar tak na pahuncha

ye kaisa pyas ka mausam hai 'ahmad'
samundar dida-e-tar tak na pahuncha