kuchh din se intizar-e-sawal-e-digar mein hai
wo muzmahil haya jo kisi ki nazar mein hai
sikhi yahin mere dil-e-kafir ne bandagi
rabb-e-karim hai tu teri rahguzar mein hai
mazi mein jo maza meri sham-o-sahar mein tha
ab wo faqat tasawwur-e-sham-o-sahar mein hai
kya jaane kis ko kis se hai ab dad ki talab
wo gham jo mere dil mein hai teri nazar mein hai
Ghazal
Kuchh din se intizar-e-sawal-e-digar mein hai
Faiz Ahmad Faiz