itr-e-firdaus-e-jawan mein ye basae hue honT
KHun-e-gul-rang-e-bahaaran mein nahae hue honT
KHud-baKHud aah larazte hue boson ki tarah
mere honTon ki latafat ko jagae hue honT
dast-e-fitrat ke tarashe hue do-barg-e-gulab
dil ke TuTe hue TukDon ko banae hue honT
zulm aur jabr ke ahkaam se KHamosh magar
mohr paiman-e-mohabbat ki lagae hue honT
Ghazal
Itr-e-firdaus-e-jawan mein ye basae hue honT
Ali Sardar Jafri