ishq saman bhi hai be-sar-o-samani bhi
usi darwesh ke qadmon mein hai sultani bhi
hum bhi waise na rahe dasht bhi waisa na raha
umr ke sath hi Dhalne lagi virani bhi
wo jo barbaad hue the tere hathon wahi log
dam-ba-KHud dekh rahe hain teri hairani bhi
aaKHir ek roz utarni hai libaadon ki tarah
tan-e-malbus! ye pahni hui uryani bhi
ye jo main itni sahulat se tujhe chahta hun
dost ek umr mein milti hai ye aasani bhi
Ghazal
Ishq saman bhi hai be-sar-o-samani bhi
Saud Usmani