fana ke dasht mein kab ka utar gaya tha main
tumhaara sath na hota to mar gaya tha main
kisi ke dast-e-hunar ne mujhe sameT liya
wagarna pat ki surat bikhar gaya tha main
wo KHush-jamal chaman se guzar ke aaya to
mahak uThe the gulab aur nikhar gaya tha main
koi to dasht samundar mein Dhal gaya aaKHir
kisi ke hijr mein ro ro ke bhar gaya tha main
Ghazal
Fana ke dasht mein kab ka utar gaya tha main
Ahmad Khayal