dil-e-fasurda mein kuchh soz o saz baqi hai
wo aag bujh gai lekin gudaz baqi hai
niyaz-kesh bhi meri tarah na ho koi
umid mar chuki zauq-e-niyaz baqi hai
wo ibtida-e-mohabbat ki lazzaten wallah
ki ab bhi ruh mein ek ehtizaz baqi hai
na saz-e-dil hai ab 'aKHtar' na husn ki mizrab
magar wo fitrat-e-naghma-nawaz baqi hai
Ghazal
Dil-e-fasurda mein kuchh soz o saz baqi hai
Akhtar Ansari