dekha hai zindagi ko kuchh itna qarib se
chehre tamam lagne lage hain ajib se
kahne ko dil ki baat jinhen DhunDte the hum
mahfil mein aa gae hain wo apne nasib se
nilam ho raha tha kisi naznin ka pyar
qimat nahin chukai gai ek gharib se
teri wafa ki lash pe la main hi Dal dun
resham ka ye kafan jo mila hai raqib se
Ghazal
Dekha hai zindagi ko kuchh itna qarib se
Sahir Ludhianvi