ai junun hath jo wo zulf na aai hoti
aah ne arsh ki zanjir hilai hoti

Goya Faqir Mohammad

---

---

gham-e-zamana teri zulmaten hi kya kam thin
ki baDh chale hain ab in gesuon ke bhi sae

Hafeez Hoshiarpuri

---

---

aap ki nazuk kamar par bojh paDta hai bahut
baDh chale hain had se gesu kuchh inhen kam kijiye

Haidar Ali Aatish

---

---

jo dekhte teri zanjir-e-zulf ka aalam
asir hone ki aazad aarzu karte

Haidar Ali Aatish

---

---

TuTen wo sar jis mein teri zulf ka sauda nahin
phuTen wo aankhen ki jin ko did ka lapka nahin

Haqeer

---

---

zulf-e-kalmunhi ko pyare itna bhi sar mat chaDha
be-mahaba munh pe tere panw karti hai daraaz

Hasrat Azimabadi

---

---

zulfon mein kiya qaid na abru se kiya qatl
tu ne to koi baat na mani mere dil ki

Imam Bakhsh Nasikh

---

---