kuchh ab ke hum bhi kahen us ki dastan-e-visal
magar wo zulf-e-pareshan khule to baat chale

Aziz Hamid Madni

---

---

duniya ki rawish dekhi teri zulf-e-dota mein
banti hai ye mushkil se bigaDti hai zara mein

Aziz Hyderabadi

---

---

phir yaad bahut aaegi zulfon ki ghani sham
jab dhup mein saya koi sar par na milega

Bashir Badr

---

---

uKH-e-raushan pe us ki gesu-e-shab-gun laTakte hain
qayamat hai musafir rasta din ko bhaTakte hain

Bhartendu Harishchandra

---

---

ye uDi uDi si rangat ye khule khule se gesu
teri subh kah rahi hai teri raat ka fasana

Ehsan Danish

---

---

mere junun ko zulf ke sae se dur rakh
raste mein chhanw pa ke musafir Thahar na jae

Fani Badayuni

---

---

sab ke jaisi na bana zulf ki hum sada-nigah
tere dhoke mein kisi aur ke shane lag jaen

Farhat Ehsas

---

---