uTha laya hun sare KHwab apne
teri yaadon ke bosida makan se

Rasa Chughtai

---

---

mai-KHane mein kyun yaad-e-KHuda hoti hai aksar
masjid mein to zikr-e-mai-o-mina nahin hota

Riyaz Khairabadi

---

---

hum to samjhe the ki hum bhul gae hain un ko
kya hua aaj ye kis baat pe rona aaya

Sahir Ludhianvi

---

---

yunhi dil ne chaha tha rona-rulana
teri yaad to ban gai ek bahana

Sahir Ludhianvi

---

---

yaad ka zaKHm bhi hum tujh ko nahin de sakte
dekh kis aalam-e-ghurbat mein mile hain tujh se

Saleem Kausar

---

---

ek wahi shaKHs mujh ko yaad raha
jis ko samjha tha bhul jaunga

Salman Akhtar

---

---

ek yaad ki maujudgi sah bhi nahin sakte
ye baat kisi aur se kah bhi nahin sakte

Saqi Faruqi

---

---