kaun ho sakta hai aane wala
ek aawaz si aai thi abhi

Karrar noori

---

---

sunta hun main ki aaj wo tashrif laenge
allah sach kare kahin jhuTi KHabar na ho

Lala Madhav Ram Jauhar

---

---

muddaton baad kabhi ai nazar aane wale
id ka chand na dekha teri surat dekhi

Manzar Lakhnavi

---

---

tum jo aae ho to shakl-e-dar-o-diwar hai aur
kitni rangin meri sham hui jati hai

Nihal Sevharvi

---

---

aamad pe teri itr o charagh o subu na hon
itna bhi bud-o-bash ko sada nahin kiya

Parveen Shakir

---

---

tum aa gae ho KHuda ka subut hai ye bhi
qasam KHuda ki abhi main ne tum ko socha tha

Qaisar-ul-Jafri

---

---

ye intizar ki ghaDiyan ye shab ka sannaTa
is ek shab mein bhare hain hazar sal ke din

Qamar Siddiqi

---

---