chand bhi hairan dariya bhi pareshani mein hai
aks kis ka hai ki itni raushni pani mein hai

Farhat Ehsas

---

---

tum aa gae ho to ab aaina bhi dekhenge
abhi abhi to nigahon mein raushni hui hai

Irfan Sattar

---

---

sau chand bhi chamkenge to kya baat banegi
tum aae to is raat ki auqat banegi

Jaan Nisar Akhtar

---

---

aaya ye kaun saya-e-zulf-e-daraaz mein
peshani-e-sahar ka ujala liye hue

Jameel Mazhari

---

---

mil kar tapak se na hamein kijiye udas
KHatir na kijiye kabhi hum bhi yahan ke the

Jaun Eliya

---

---

sehn-e-chaman ko apni bahaaron pe naz tha
wo aa gae to sari bahaaron pe chha gae

Jigar Moradabadi

---

---

us ne wada kiya hai aane ka
rang dekho gharib KHane ka

Josh Malihabadi

---

---