مجھے توبہ کا پورا اجر ملتا ہے اسی ساعت
کوئی زہرہ جبیں پینے پہ جب مجبور کرتا ہے
عبد الحمید عدم
توبہ کھڑی ہے در پہ جو فریاد کے لئے
یہ مے کدہ بھی کیا کسی قاضی کا گھر ہوا
احمد حسین مائل
وہ کون ہیں جنہیں توبہ کی مل گئی فرصت
ہمیں گناہ بھی کرنے کو زندگی کم ہے
who are those that seem to find the time for to repent
for us this life is too short to sin to heart's content
آنند نرائن ملا
مری شراب کی توبہ پہ جا نہ اے واعظ
نشے کی بات نہیں اعتبار کے قابل
حفیظ جونپوری
برسات کے آتے ہی توبہ نہ رہی باقی
بادل جو نظر آئے بدلی میری نیت بھی
حسرتؔ موہانی
میں تو جب مانوں مری توبہ کے بعد
کر کے مجبور پلا دے ساقی
جگر مراد آبادی
گزرے ہیں میکدے سے جو توبہ کے بعد ہم
کچھ دور عادتاً بھی قدم ڈگمگائے ہیں
خمارؔ بارہ بنکوی