yun barasti hain tasawwur mein purani yaaden
jaise barsat ki rim-jhim mein saman hota hai

Qateel Shifai

---

---

un ka gham un ka tasawwur un ke shikwe ab kahan
ab to ye baaten bhi ai dil ho gain aai gai

Sahir Ludhianvi

---

---

ghar ki tamir tasawwur hi mein ho sakti hai
apne naqshe ke mutabiq ye zamin kuchh kam hai

Shahryar

---

---

yun teri yaad mein din raat magan rahta hun
dil dhDakna tere qadmon ki sada lagta hai

Shahzad Ahmad

---

---

dekhun hun tujh ko dur se baiTha hazar kos
ainak na chahiye na yahan durbin mujhe

Shaikh Zahuruddin Hatim

---

---