tifl mein bu aae kya man bap ke atwar ki
dudh to Dibbe ka hai talim hai sarkar ki

Akbar Allahabadi

---

---

jab paDha jaur o jafa main ne to aai ye sada
Thik se paDh use joru hai jafa se pahle

Ameerul Islam Hashmi

---

---

meri majburiyon ne nazuki ka KHun kar Dala
har ek gobhi-badan ko gul-badan likhna paDa mujh ko

Ameerul Islam Hashmi

---

---

uTThe kahan baiThe kahan kab aae gae kab
begam ki tarah tum bhi hisabaat karo ho

Ameerul Islam Hashmi

---

---

professor hi jab aate hon hafta-war college mein
to uncha kyun na ho talim ka mear college mein

Inam-ul-Haq Javed

---

---