shahr ka bhi dastur wahi jangal wala
khojne wale hi akasr kho jate hain

Khalid Ebadi

---

---

ek aur khet pakki saDak ne nigal liya
ek aur ganw shahar ki wusat mein kho gaya

Khalid Siddiqui

---

---

mere hi sang-o-KHisht se tamir-e-baam-o-dar
mere hi ghar ko shahr mein shamil kaha na jae

Majrooh Sultanpuri

---

---

aisa hangama na tha jangal mein
shahr mein aae to Dar lagta tha

Mohammad Alvi

---

---

dil to mera udas hai 'nasir'
shahr kyun saen saen karta hai

Nasir Kazmi

---

---