ajib turfa-tamasha hai mere ahd ke log
sawal karne se pahle jawab mangte hain

Abbas Rizvi

---

---

sawal kar ke main KHud hi bahut pasheman hun
jawab de ke mujhe aur sharmsar na ka

Abdul Hamid Adam

---

---

jo sote hain nahin kuchh zikr un ka wo to sote hain
magar jo jagte hain un mein bhi bedar kitne hain

Abul Mujahid Zahid

---

---

kyun parakhte ho sawalon se jawabon ko 'adim'
honT achchhe hon to samjho ki sawal achchha hai

Adeem Hashmi

---

---

aql mein jo ghir gaya la-intiha kyunkar hua
jo sama mein aa gaya phir wo KHuda kyunkar hua

Akbar Allahabadi

---

---

jo chahiye so mangiye allah se 'amir'
us dar pe aabru nahin jati sawal se

Ameer Minai

---

---

mang lun tujh se tujhi ko ki sabhi kuchh mil jae
sau sawalon se yahi ek sawal achchha hai

Ameer Minai

---

---