sawal ye hai ki aapas mein hum milen kaise
hamesha sath to chalte hain do kinare bhi

Amjad Islam Amjad

---

---

sar-e-mahshar yahi puchhunga KHuda se pahle
tu ne roka bhi tha bande ko KHata se pahle

Anand Narayan Mulla

---

---

kabhi kabhi to ye dil mein sawal uThta hai
ki is judai mein kya us ne pa liya hoga

Anwar Anjum

---

---

kaise yaad rahi tujh ko
meri ek chhoTi si bhul

Basir Sultan Kazmi

---

---

wo the jawab ke sahil pe muntazir lekin
samay ki naw mein mera sawal Dub gaya

Bekal Utsahi

---

---

jawab soch ke wo dil mein muskuraate hain
abhi zaban pe meri sawal bhi to na tha

Bekhud Dehlvi

---

---

sawal-e-wasl par kuchh soch kar us ne kaha mujh se
abhi wada to kar sakte nahin hain hum magar dekho

Bekhud Dehlvi

---

---