har haqiqat hai ek husn 'hafiz'
aur har husn ek haqiqat hai

Hafeez Banarasi

---

---

aat ko raat kah diya main ne
sunte hi baukhla gai duniya

Hafeez Merathi

---

---

main sach to bolta hun magar ai KHuda-e-harf
tu jis mein sochta hai mujhe wo zaban de

Himayat Ali Shayar

---

---

main us se jhuT bhi bolun to mujh se sach bole
mere mizaj ke sab mausamon ka sathi ho

Iftikhar Arif

---

---

sadaqat ho to dil sinon se khinchne lagte hain waiz
haqiqat KHud ko manwa leti hai mani nahin jati

Jigar Moradabadi

---

---

ek ek baat mein sachchai hai us ki lekin
apne wadon se mukar jaane ko ji chahta hai

Kafeel Aazar Amrohvi

---

---

kuchh log jo KHamosh hain ye soch rahe hain
sach bolenge jab sach ke zara dam baDhenge

Kamal Ahmad Siddiqi

---

---