phirta hai mere dil mein koi harf-e-muddaa
qasid se kah do aur na jae zara si de

Dagh Dehlvi

---

---

ashkon ke nishan parcha-e-sada pe hain qasid
ab kuchh na bayan kar ye ibarat hi bahut hai

Ehsan Ali Khan

---

---

kya bhul gae hain wo mujhe puchhna qasid
nama koi muddat se mere kaam na aaya

Fana bulandshahri

---

---

ya us se jawab-e-KHat lana ya qasid itna kah dena
bachne ka nahin bimar tera irshad agar kuchh bhi na hua

Haqeer

---

---

mera KHat paDh liya us ne magar ye to bata qasid
nazar aai jabin par bund bhi koi pasine ki

Heera Lal Falak Dehlvi

---

---

pahunche na wahan tak ye dua mang raha hun
qasid ko udhar bhej ke dhyan aae hai kya kya

Jalal Lakhnavi

---

---

qasid nahin ye kaam tera apni rah le
us ka payam dil ke siwa kaun la sake

Khwaja Meer u0027Dardu0027

---

---