aaj pi kar bhi wahi tishna-labi hai saqi
lutf mein tere kahin koi kami hai saqi

Aal-e-Ahmad Suroor

---

---

wo jo pyasa lagta tha sailab-zada tha
pani pani kahte kahte Dub gaya hai

Aanis Moin

---

---

wo samne hain magar tishnagi nahin jati
ye kya sitam hai ki dariya sarab jaisa hai

Ahmad Faraz

---

---

nadiya ne mujh se kaha mat aa mere pas
pani se bujhti nahin antarman ki pyas

Akhtar Nazmi

---

---

uh kis mast ki pyasi gai mai-KHane se
mai uDi jati hai saqi tere paimane se

Dagh Dehlvi

---

---

saqiya tishnagi ki tab nahin
zahr de de agar sharab nahin

Dagh Dehlvi

---

---

ab to utni bhi mayassar nahin mai-KHane mein
jitni hum chhoD diya karte the paimane mein

the tavern does not even give that much wine to me
that I was wont to waste in the goblet casually

Divakar Rahi

---

---