hae wo raaz-e-gham ki jo ab tak
tere dil mein meri nigah mein hai

Jigar Moradabadi

---

---

jhukti hai nigah us ki mujh se mil kar
diwar se dhup utar rahi hai goya

Josh Malsiani

---

---

KHuda bachae teri mast mast aankhon se
farishta ho to bahak jae aadmi kya hai

Khumar Barabankavi

---

---

saqi mere bhi dil ki taraf Tuk nigah kar
lab-tishna teri bazm mein ye jam rah gaya

Khwaja Meer u0027Dardu0027

---

---

dekha huzur ko jo mukaddar to mar gae
hum miT gae jo aap ne maili nigah ki

Lala Madhav Ram Jauhar

---

---

taDap raha hai dil ek nawak-e-jafa ke liye
usi nigah se phir dekhiye KHuda ke liye

Lala Madhav Ram Jauhar

---

---

haal kah dete hain nazuk se ishaare akasr
kitni KHamosh nigahon ki zaban hoti hai

Mahesh Chandra Naqsh

---

---