aankhen jo uThae to mohabbat ka guman ho
nazron ko jhukae to shikayat si lage hai

Jaan Nisar Akhtar

---

---

ishq mein kya nuqsan nafa hai hum ko kya samjhate ho
hum ne sari umr hi yaro dil ka karobar kiya

Jaan Nisar Akhtar

---

---

sau chand bhi chamkenge to kya baat banegi
tum aae to is raat ki auqat banegi

Jaan Nisar Akhtar

---

---

ishq ki choT ka kuchh dil pe asar ho to sahi
dard kam ho ya ziyaada ho magar ho to sahi

Jalal Lakhnavi

---

---

har aan ek taza shikayat hai aap se
allah mujh ko kitni mohabbat hai aap se

Jalaluddin Akbar

---

---

ek safar mein koi do bar nahin luT sakta
ab dobara teri chahat nahin ki ja sakti

Jamal Ehsani

---

---

yaad rakhna hi mohabbat mein nahin hai sab kuchh
bhul jaana bhi baDi baat hua karti hai

Jamal Ehsani

---

---