dil ki qimat to mohabbat ke siwa kuchh bhi na thi
jo mile surat-e-zeba ke KHaridar mile

Jameel Malik

---

---

kya kaha ishq jawedani hai!
aaKHiri bar mil rahi ho kya

Jaun Eliya

---

---

mujhe ab tum se Dar lagne laga hai
tumhein mujh se mohabbat ho gai kya

Jaun Eliya

---

---

sari duniya ke gham hamare hain
aur sitam ye ki hum tumhaare hain

Jaun Eliya

---

---

wafa iKHlas qurbani mohabbat
ab in lafzon ka pichha kyun karen hum

Jaun Eliya

---

---

zindagi kis tarah basar hogi
dil nahin lag raha mohabbat mein

Jaun Eliya

---

---

ek mohabbat ki ye taswir hai do rangon mein
shauq sab mera hai aur sari haya us ki hai

Javed Akhtar

---

---